SEMSONSING INGTI DEATH ANNIVERSARY
ANIVERSARY
Dated 28th Feb. Fri, 2020., Tika.
Dated 28th Feb. Fri, 2020., Tika.
1) Tika a Rong kesengcheng 1911, Thenkursing Ingti, Rongbang Pondit, Kat Timung, Suhi Terang lapen Mohori Ingti, kechengsi a gaonbura lapen kechengsi a Pastor pusi “DAY BREAK IN THE HILLS,” 21-22 March 2009 SOUVENIER (Souvenir) along tok pamelo.
2) Government pen ahin ke March (Aru) 19, 2007, KAAC Executive Committee pen kerai compulsory Karbi Language along “LAM-CHILI” II ketok abangke Semson Sing Ingti Golaghat si 1911 amahang theklo.
Semson Sing Ingti ke Thengkursing Ingti a sopo lo. Semson Sing Ingti 1917 Golaghat along lo kacharli pangchenglo, 1928 matric (10) angdeng unpemelo. Bangso aphi Gauhati Cotton College pen I.A pass lo pendet Shylhet (non ke Bangladesh) along Murari Chand College pen B.A angdeng pen chonlo.
Bangso aphi Golaghat Bezbarua High School along lo thandunlang. Aphike Sub-Inspector of School Karbi Anglong aphan klemponthulo.
1937 Assam Governor aphan Karbi atum keduk keboi alamthe “Memorandum” ta pidamlo.
1945 alangli keklembom asai cheosi ‘KARBI DORBAR’ along chepatum dunlo lapen Karbi a Jilat (District) kehang akam klem pangchenglo.
No. (1) lapen (2) ketok alam lang damlote ahokpet abangke Semson Sing Ingti Tika arongsi a amahang thekveklo.
Pima 1911 Aningkansi Tika a Rong keseng lapen Thengkursing Ingti dak Tika si a family pen Rev. P.E. Moore atum along Tika alumsi dodamkoklo. Tika alum along ‘Tharve’ arong kesar pini ta arjapdonglang. Lapen penang ajir keding aphi 1917 aningkan an Golaghat lo charli dun pu keklang.
Lasi akeongpik atum kekroithip abangke Thengkursing Ingti asopi akleng abang Miss. Junaki Ingtipi lapen a sopo Semson Sing Ingti, la banghini atumke Tika si mahang thekveklo.
Semson Sing Ingti thi-etlo seta alanglimen ilitum along “RENGVERJI” lapen “RENGVERPO”.
Alangli family atum an along Arnam ahirjume dorphlup pedonang.
– – J.M Hanse, Tika.
Comments
Post a Comment