Tika Kerung Amei— Youth Department

Lo Charli Selet'ri o Bong Kanghon pu alunjir lake Joysing Phangcho pensi Kelundunthu alun. Thanpare alun, Bida kacharli atum aphan an. Osomar kachepate Alun  Lo Charliji Selet'ri oKanghon Do' oji mo Nangphan kekon Kemon Ning elep pet pen Charli Peme non (2) Ninghang apun longle det ke Neke charli dun ingtungte Bang atum matlep lapke Chetherak ta meme Peri Keng'op muja choi Patalun Nang ri piji ning le chepeding dun Nang nam piji nang ning keharp apun Is ne dun de non amat ke Choi pe ri, ne ri pipe tik ke Non amat ta ne reng angse Chetherak ta meme Nang Ning Kehang kethe asomar Dam aling dam non nangtum ha achar Dak pen cheterek non bang Ahavar O Pei ning ne oi ri Dun po lo kacharli Ne nangsi ninong apotsi Nephan ne matha ti Nang lana Keduk nang oso ako Pe ban pen me nang chotelom palorlo Nangphan kanghon than un'e Kirsan dun po lo-kacharli Do an pen atiri Nang lana keduk nang oso ako Pe ban on ne nang chotelom palorlo Nna...

Tika Youth Department WhatsApp aHemphang along kachethan kachemum Tika Riso Nimso aHemphang WhatsApp along kachethan Kachemum aphan Ketok lapen Kethan pon Abangphu Sar Monbor Chesong Ingti Kathar, M.Div, SAIACS, Bangalore  Niphai: Durmi 21, 2020. Porphai: 6:11 pm Pini Tika Riso Nimso WhatsApp aHemphang along Sar Chesong Ingti Kathar thihek pen Hemphu eKethan aKardom alamthe amung kethan pado pon lapen nelitum kacharlidun long ajok ningkarong asonthotsi nanglitum aphan ta ladak Blog along paklang pon thulo. Karju Alam: Hemphu ekethan aKardom pen sonphli lesson kacharli dam nangji. Kosonsi itum Arnam ardom nangji tangte? 1. Itum aKardom kaiketa Arnam anong kapathe pensi cheng nangji. Sining athak kedo netum a-Po, Nangmen pangthirnang;  Nangrat pavangnang; Sining athak asonthot-le, pirthe athakta nangning kehang paplengnang. 2. Arnam aphan itum kenangji ason an kachiki pen kachohang. Pini kenangji a-an. Non Covid 19 apor ahut, bang apha...

Tika Riso Nimso aHemphang  Athepi/Theme: Eli kadokave atum aphan akeme klem lonang (Galasia 6:10). Ningkan 2020, Niphai 6th Jangmi achiklo Akeme Kerik ke Kerrota Akeme si Rot Longji . Enut a’osopi Sweden adetpi along Stockholm pu arongsopi pen botor-bokan nampi namdur kapemethu nangji akenangsot pu alamthe aphuthak arta jumhek ahut pensi kachesong pon ajoine non anke somindar angkangpi ansi angtong nangthebom. La kadokave kapangcheng lake Greta Thunberg pen henlo. Arta nerkep (8 years old) ahutsi ‘Climate Change’ pu arju longlo, anparta lo-charli ahem angdeng arlo lam arjan kapaklang pon hagor along a-ot’e pen kapasa’ur “an island of plastic in the south pacific” pu thek ponlonglo, lapen manghuhaksi kopi apotsi majok ta kemesen aphan klemkle abang avedetmas pusi mathalo. Labangso animsopi arta Kre-esi ahut lam kachingki ingtonponkoksi mate chingkike detsi “Selective Mutism” pu hot ponsi kechengsi kachesong akengkam angdeng dengponlo lake lamthe lapen kachingki ajako...

Meri Megdela, lapen Banghini Emmaus Arong Kedam atum  Tika Youth Department Niphai: Jangmi Krekethom, 2020  Monit araje kachinglit ke'ong ajok penang'an ajirkeding aphi pen kachetongthulong ajirpo-jirpi aphan kachingkiji sangrem mate ingkihaihe det lapuson ta kepho do pima kachinivek abang kalidet mene pu akamatha kedokok ajoine. Jongsi konatne ajirdingklui aphi pen kachetong jirpo mate jirpi banghini atum angbong pen enut ma enut le anut kaprek abang aphan chingki paphrangphre pulotangte lahin lahin chingkike detji lapen jongsi enut bak chingki paphrang lote anut kaprek abang seta kai kachingki kachethan ason chethek longsi chechinithu pemeji. Lason thakthaksi Baibel Kachejok Aloh Kimi alongta Kachichini abang aphan aphi koson pen tongne lapen kopi apot'lo ne, seta chinithuthedet lason do. Mary Magdalene mate Megdela a-Meri Jisu thithe aphrang birta keme kedeng tang abangpi lapen Jisu arisangho jokjak atum along kacherap kacheto aphan ke...

Ador Keso Kanempru Ajangthu apar Ador Kesonai   Ningkan Surihini-ra-kre-nerkep Jangmi achiklo niphai phli arni enut cancer akeso ajoine se chelangbom pinso oso ningkan throk arta lapen lo-kacharli angdeng hini, labangso a-oso akai aphan kemang ateng kapaplengpiji pusi  Make a Wish Foundation  ahemphang atum pen arnisi aphan Police Commisioner peman pon tekang longlo.  Make a Wish Foundation  atum Telengana along Rachakonda Police Commissioner Mahesh Muralidhar Bhagwat IPS along chetong damsi labangso ningkan throk blood cancer kelong a-oso Dudekala Ishan aphan arnisi Police Commissioner kapemanji aphan choningrilo, laso ajok Mahesh Muralidhar Bhagwat Police commissioner anghoi pen che’osi arnisi aphan Dudekala Ishan aphan pek detlo. Labangso IPS officer Social Media along mohor kapeklang pon ateng kethek ponlong ke Dudekala Ishan aphan Police Commissioner kachingthan apindeng aperi si pachingthanglo lapen anut kaprek police atum ta adung arjap dunher...