Whatsapp aHemphang along Kachethan Kachemum— Hemphu eKethan aKardom
Tika Youth Department
WhatsApp aHemphang along kachethan kachemum
Tika Riso Nimso aHemphang WhatsApp along kachethan Kachemum aphan Ketok lapen Kethan pon Abangphu Sar Monbor Chesong Ingti Kathar, M.Div, SAIACS, Bangalore
Niphai: Durmi 21, 2020. Porphai: 6:11 pm
Pini Tika Riso Nimso WhatsApp aHemphang along Sar Chesong Ingti Kathar thihek pen Hemphu eKethan aKardom alamthe amung kethan pado pon lapen nelitum kacharlidun long ajok ningkarong asonthotsi nanglitum aphan ta ladak Blog along paklang pon thulo.
Karju Alam: Hemphu ekethan aKardom pen sonphli lesson kacharli dam nangji. Kosonsi itum Arnam ardom nangji tangte?
1. Itum aKardom kaiketa Arnam anong kapathe pensi cheng nangji.
Sining athak kedo netum a-Po, Nangmen pangthirnang; Nangrat pavangnang; Sining athak asonthot-le, pirthe athakta nangning kehang paplengnang.
2. Arnam aphan itum kenangji ason an kachiki pen kachohang. Pini kenangji a-an. Non Covid 19 apor ahut, bang aphan emek kekon dunpen, kenangsot ahormu an raikrim, lake pini kenangji a-an kali pusi neli matha.
Pini netum kenangji a-an pini netum aphan nepitha.
3. Itum aKardom kaike ta Arnam angno epap chekubir pen diya chohang ver nangji.
Lapen netum along apreng kedo atum aphan, netum kediyatang asonthot-le; netum aprengta nediyatha.
4. Arnam le itum aphan erai rete, itum aKahingno pen jok un-e. Non laso avur ahutta, non anta Arnam si itum aphan nang rai dunbom lang.
Lapen asat kelangjile netum aphan neponrinon, bonta kehingno ajakong pen netum aphan nepajoktha.’ ‘pima nangrat lapen jakong lapen anong, akai apar akai anta padonang.
Kaporhe atum pen kachethan kachemum dun:
Lumtaso Ingti Kathar, BD, UBS
Tika Hills, Tika Baptist Church— Youth Department
Kaporhe atum pen puthot ketok abangphu along kedeng lapen kaporhe dunthu. Lapen lason jumesen ekarjong aphan akenangsot acho alam kethan apot etum kaporhe atum sita ale pado nang, ening arlo Kardom achethe ahokpet pen kachingjok-arong angkur pachesak nang, lapen ketok abangphu along ansose Arnam ahirjume peplengsetver nang.
Karbi pen 'Hemphu eKethan Akardom' pu jumesen, pima english alam pen ke "The Lord's Prayer" pusi pukok, abinong ke Karbi alam pen kepu jumesen pima lake "The Disciples' Prayer" pusi kachekeng. Atheke Jisu pap ave pin abang lake Arisangho atum aphan kosonsi ahok pet pen kardom nangji lasi kethan.
Angdengso 11-12, Kre-esi pen Kre-hini, ("Nepitha" lapen "Nediyatha") kacherap kachepho kedo lapuhenlo ne kethek dam long lapen kaporhe along kachekroi dun ateng ke, etum along preng kedo atum aphan etum diyalo. Lapen lason thakthaksi etum "kenangji a-an" aphuthak mathadamlo tangte, etumta kadiya longnangji mate chodeng long nangji. Puthot etum kechokche apap apot chekobir lote, etumta chemathathuji monit angbong etum lahin lahin kosonsi kacherap (relationships) doloma.
English aBible porhe lote thek longji— Sonthrok angbong pen kechengsi sonthom alamthe "Your Name", "Your Kingdom", lapen "Your Will".
Kejut sonthom alamthe— "Give us", "Forgive us", lapen "Lead us".
Acho alamthepi ne kelangdam ateng, "Give us our daily bread" pen "Forgive us our sins" angbong kacherap kachepho alam, lake "The Lord's Prayer" puke kalidet nangji ason, anparta Karbi pen kepu dam "Hemphu eKethan aKardom" pu abangsi ardi lapen kachekeng do.
Kaporhe atum pen kachethan kachemum dun:
Lumtaso Ingti Kathar, BD, UBS
Tika Hills, Tika Baptist Church— Youth Department
Kaporhe atum pen puthot ketok abangphu along kedeng lapen kaporhe dunthu. Lapen lason jumesen ekarjong aphan akenangsot acho alam kethan apot etum kaporhe atum sita ale pado nang, ening arlo Kardom achethe ahokpet pen kachingjok-arong angkur pachesak nang, lapen ketok abangphu along ansose Arnam ahirjume peplengsetver nang.
Karbi pen 'Hemphu eKethan Akardom' pu jumesen, pima english alam pen ke "The Lord's Prayer" pusi pukok, abinong ke Karbi alam pen kepu jumesen pima lake "The Disciples' Prayer" pusi kachekeng. Atheke Jisu pap ave pin abang lake Arisangho atum aphan kosonsi ahok pet pen kardom nangji lasi kethan.
Angdengso 11-12, Kre-esi pen Kre-hini, ("Nepitha" lapen "Nediyatha") kacherap kachepho kedo lapuhenlo ne kethek dam long lapen kaporhe along kachekroi dun ateng ke, etum along preng kedo atum aphan etum diyalo. Lapen lason thakthaksi etum "kenangji a-an" aphuthak mathadamlo tangte, etumta kadiya longnangji mate chodeng long nangji. Puthot etum kechokche apap apot chekobir lote, etumta chemathathuji monit angbong etum lahin lahin kosonsi kacherap (relationships) doloma.
English aBible porhe lote thek longji— Sonthrok angbong pen kechengsi sonthom alamthe "Your Name", "Your Kingdom", lapen "Your Will".
Kejut sonthom alamthe— "Give us", "Forgive us", lapen "Lead us".
Acho alamthepi ne kelangdam ateng, "Give us our daily bread" pen "Forgive us our sins" angbong kacherap kachepho alam, lake "The Lord's Prayer" puke kalidet nangji ason, anparta Karbi pen kepu dam "Hemphu eKethan aKardom" pu abangsi ardi lapen kachekeng do.
Comments
Post a Comment