Bible Study: Lun Esi (Psalm 1)

-


Tika Youth Department WhatsApp Group Weekly Bible Study on the Book of Psalm.


Lun esi (Psalm 1) athak alamthepi ketok 'Ahok Akerengme' pusi thek'longji. Apotsi komat atum aphansi ahok akerengme pu kehokdam lo, lapen kosonsi, konat pensi laso akerengme kelongji?

Lun Esi (Psalm 1)
Angdengso Esi along komat atumsi ahok akerengme abangma pu peklanglo. Pima monit atum ningkacheparong'i ason do'o sita lake akeme lapen akahingno ason angbong pen henlo. Ladak kejongdam ke kahingno atum aningkacheparong kosonma la keklem aphuthak ingsailo pensi ahok akerengme ahirjume kelong atum aphan pangthek lo. Ahok kerengme pu aphan aningkehang atum ke kahingno kapare alam dengdunde (counsel/advice), latum along arjapdunde lapen chelangdunde, lapen anparta kasorsa-morsa, keputot atum along chejukdunde. Pima latum aningkacheparong'i ason lapen la konatsi kelongdam cheprakdak lo.

Angdengso Hini along klardak pen peklanglo konat pensi la ahok akerengme kelong atum kedo kethak aningcheparong'i loma, koson pen, lapen kopi pen loma. "Latum Hemphu Aron kroisi aning cheparong, lapen ajo-nerlo ta latum la ingchapver." Ahok akerengme atum la Hemphu aron kedeng peme pen kroisi, ladak Arnam aron along ingchapver lapensi aningcheparong'i.

Angdengso Kethom along kapangbar anoksa alam pen thanpajirlo. La ahok kerengme ahirjume kelong atum ke langkung athengpi ason pusi pangbarlo. "Latum langkung athengpi arong-heihei ason apor ahut athe pathe, lapen lahei arvo thi-khraik-re, latum keklem aling chunji." Labangso anoksa alam pen thekdam longlo ahok akerengme atum amethang ajakong mate aning kehang aling keklem along aning cheparongre, bonta eson anoksa alam kapeklang ke lahenlo, langkung athengpi langkangsip akenangthepik lake kachingjok lapen kereng'iver aphan asonthotsi ahok akerengme atum mate ahirjume kelong atheng atum Arnam aphan chikiver.

Angdengso Phli along kapeklang dam ke la ahok akerengme kelong atum pen angtan kedo atum "tomon kapangjarpon sok anar" ason pusi tok'lo. Pima latum Hemphu Arnam aphan kroikre det lo lapen Aron alam mate Arnam Alam ingchapchedet pen ajok kachikikrang kedokok ajoine angkur kachesak kavedet ason si mandet lo. Lasi tomon sok anar kejappon asonsi plangdetlo.

Angdengso Pho pen Throk along tok'lo la son-ni amukha amonit— Arnam aphan ale chepavedet (kahingno kacheplang) lapen ale kachepado (akeme kacheplang) lake ahok akerengme ahirjume kelong atheng atumlo. Kahingno kacheplang atum aphan Arnam papi pusi hokdetlo keklem kahingno apot lapen akeme ahok akerengme kelong atum pen kebi pahelolo. Bonsitame ahok akerengme ahirjume kelong atheng atum aphan ke "Hemphu -si jalo lapen railo, bonta kehingno atum atovar ke virdetji."

Pirthe along najok le do sitame ningkacheparong'i ason do'o, bonta kereset abang pulotangte keme pen kahingno phlaksi ahok akerengme atovar chongvaisi langkung athengpi ason Hemphu Arnam Alam ingchapver pen kekroi angkur chesak chepangtangbomji. Lapen anpar Hemphu Arnam Aning keme la checharpon bomji.

#Kachethan #Seroi lapen #Kachemum #Seroi #nangji #Alamthe:

Non Covid-19 pandemic ajoine monit atum kesung-kebeng-kephan ahut kosonsi ahok akerengme kelong pen anut kaprek aphanta kesung keso kaphere kedobom angbong "ahok akerengme" ahirjume kapajir dun pen kacherap dun thekji?






Comments

Post a Comment

Popular posts from this blog

Bible Stydy: Lun 149 (Psalms 149)

-
Image
Tika Youth Department WhatsApp Group Short Bible Study on Psalm 149 (Lun 149). Lun Alo-thui ke kapangchokling ahirjir puta lakha lo kangchap-katarlip kethek kere atum. Lasi labangso alamthe kelongpon Lun 149 along Ron kedam ahirjir pusi langpon nangji.  Kecheng Angdengso esi pen kethom an porhe lote thek'longji kekroithirklong arat amei along lunkimi pen la Israel kapinchong aArnam Amen, Zaion kangthir aRecho, aphan kachehok pen, kekan, chengkethip, lapen kumbeleng kardeng pen ro'archonon pusi Lun-alo tokbang thanpajir lo.  Atheke Arnam Amethang kachejok aloh alam aphuthak chetengnene detsi Israel atum kesung kepho nang do'olo sita non ke latum chepebihek ajoine alanglitum aphan ron anta pehailo lapen latum alongsi ningcheparonglo. Apotsi latum Arnam aphan anong kepi pen ning-arong alun ropa'archo ver lo nang jopangthang. La Israel arat, Arnam alangtum along kachelangdun ajok asekethe pen Arnam aphan paronang, lapen  kereset anokjir ari pa'ot'...
Read more

Bible Study: Psalms 2 (Lun Hini)

-
Image
Tika Youth Department WhatsApp Group Short Bible Study on Psalms 2 (Lun Hini). Lun Hini kaporhe kangchap alo along bangphli amonit atum aphuthak David ekethan kapajir alamthe thek'longji: 1. Pirthe aRecho lapen la amonit atum kachepinkhat alamthe:  Lun Hini alo along David karju alamthe theklonglo kopi apotsi pirthe detpikethe atum bidi langno pen chepinkhat nak'lo ma. Pirthe arecho keja atum Hemphu Arnam aphan lapen Alang kangvaitang aphan bidi kahingno pen kapavirji aphan lahin lahin chingvailo.  2. Hemphu Arnam kethakdun alamthe: Bonta sining angsong anghoi pen la ardikave akemang aphuthak Hemphu Arnam latum aphan ingnekchoilo. Anparke aningkethi pen pirthe arecho keja atum aphan an pacheretoi si thanpo ne kangvaitang lapen kepektang arecho Zion inglongkangthir along si do pu.  3. David Recho amethang kachethan alamthe: Hemphu Arnam nephan kethan alam kopima lasi ne than po. Nephan Hemphu Arnam asolo pusi nepeplanglo apotsi Alangliphan hanglote ...
Read more

Bible Study: Lun Pharo-esi-ra-Phokep (Psalms 150)

-
Image
Tika Youth Department WhatsApp Group Bible Study  Thihek pen Aruivang Lun Alo-thui along pen Baibel Study.  Lun 150 Ingdeng phli an thakponme:  1. komat aphansi kero karcho (Angdengso Esi). 2. Komat atum lapen kopi apotsi kero karcho (Angsengso Esi pen Hini). 3. Koson (a-ot) pen si Kero Karcho nangji (Angdengso Kethom pen Pho). 4. Komat aphansi Kero Karcho nangji (Angdengso Throk). Lun Pharo-esi-ra-phokep: #Angdengso Esi lake Hemphu aphan kero karchoji aphan ekepha, adim longni jongponlo— Kardomhempthepi lapen Sining angsong along (English Bible). Arnam amethang ajakong pensi Sining pinchonglo lapen monit atum kedo an ason pen kerengmesenji aphan ladak pirthe along epilo lapen pinchonglo.  #Angdengso Hini kejongdam lake Arnam ajakong ko'an kethe, Sining lapen kemesen ason an monit atum aphan ladak pirthe along kethippi laso aphansi pu dam lo, "Alangli thedung akam keklem apot Alangliphan ronon! Alangli kethepik apot ronon!" Lasi sining...
Read more